အမျိုးသားလွှတ်တော်၊ သတ္တုသယံဇာတနှင့် သဘာဝပတ်ဝန်းကျင်ထိန်းသိမ်းရေးဆိုင်ရာ ကော်မတီဥက္ကဋ္ဌ ဦးကျော်သီဟ အမေရိကန်နိုင်ငံ၊ U.S DEPARTMENT OF STATE’S ENERGY OFFICER, MR. VIKRUM SEQUEIRA ဦးဆောင်သောအဖွဲ့အား လက်ခံတွေ့ဆုံ

အမျိုးသားလွှတ်တော်၊ သတ္တုသယံဇာတနှင့် သဘာဝပတ်ဝန်းကျင်ထိန်းသိမ်းရေးဆိုင်ရာ ကော်မတီဥက္ကဋ္ဌ ဦးကျော်သီဟသည် အမေရိကန်နိုင်ငံ၊ U.S Department of State’s Energy Officer, Mr. Vikrum Sequeira ဦးဆောင်သောအဖွဲ့အား မတ်လ ၁၆ ရက်နေ့ (၁၅:၃၀) နာရီ အချိန်တွင် အမျိုးသားလွှတ်တော် ကော်မတီရေးရာဆောင်အမှတ် (I-20) ဧည့်ခန်းမ၌ လက်ခံတွေ့ဆုံခဲ့သည်။

ထိုသို့တွေ့ဆုံရာတွင် ကော်မတီ၏လုပ်ငန်းတာဝန်များ၊ မြန်မာ-အမေရိကန်နှစ်နိုင်ငံအကြား စွမ်းအင်ဆိုင်ရာအစီအစဉ်များ၊ မဲခေါင်မြစ်အောက်ပိုင်းနိုင်ငံများ ဖွံ့ဖြိုးတိုးတက်ရေးအစီအစဉ်များ၊ စွမ်းအင်ဆိုင်ရာစီမံကိန်းများနှင့် စွမ်းအင်မြှင့်တင်ရေးတို့အတွက် ထောက်ပံ့ပေးနိုင်မည့် အခွင့်အလမ်းများ၊ လွှတ်တော်တွင် Capacity Building မြှင့်တင်ခြင်း စီစဉ်ဆောင်ရွက်ပေးနိုင်ရေး၊ သဘာဝပတ်ဝန်းကျင်ဆိုင်ရာ ပြဿနာများတွင် ကူညီဆောင်ရွက်ပေးရေးတို့နှင့် စပ်လျဉ်း၍ ရင်းနှီးပွင့်လင်းစွာ အမြင်ချင်းဖလှယ်ဆွေးနွေးခဲ့ကြသည်။

အဆိုပါတွေ့ဆုံပွဲသို့ ကော်မတီဥက္ကဋ္ဌ၊ အတွင်းရေးမှူး စခင်ဇော်လင်းနှင့် အဖွဲ့ဝင်များနှင့် အမျိုးသားလွှတ်တော်ရုံးမှ တာဝန်ရှိသူများ တက်ရောက်ခဲ့ကြပါသည်။