သိန်းဘိုဘိုထွေး

 ငယ်စဉ်က အခြေခံပညာကို သက္ကေပြင်ကျောင်း၊ တပ်ရင်း မူလတန်း ကျောင်း၊ အမှတ်(၆) အခြေခံပညာအထက်တန်းကျောင်း၊ စစ်တွေမြို့တို့ တွင် သင်ကြားခဲ့သည်။ ပြင်ဦးလွင် စစ်တက္ကသိုလ် အမှတ်စဉ်(၄၃) ဗိုလ်လောင်း သင်တန်းသို့ တက်ခဲ့ပြီး၊ ဝိဇ္ဇာဘွဲ့နှင့် မဟာဝိဇ္ဇာဘွဲ့ (မြန်မာစာ)တို့ကို ရရှိခဲ့သည်။

           ဒုတိယဗိုလ်မှ ဗိုလ်အဆင့်အထိ ခလရ(၂၂၅)မိုင်းတုံတွင် တပ်စုမှူးအဖြစ် လည်းကောင်း၊ ဗိုလ်မှ ဗိုလ်ကြီးအဆင့်အထိ ခမရ(၅၄၄)တောင်ကုတ်တွင် တပ်ခွဲမှူးအဖြစ်လည်းကောင်း၊ ဗိုလ်ကြီးအဆင့်ဖြင့် စကခ(၅)တောင်ကုတ် စစ်ထောက်ဌာနတွင် လည်းကောင်း၊ လက်ထောက်ကထိက ဗိုလ်ကြီး အဖြစ် တပ်မတော်ဆေးတက္ကသိုလ် (မြန်မာစာဌာန)တွင် လည်းကောင်း၊ ယာယီ တပ်ခွဲမှူး၊ (ဗိုလ်မှူး) အဆင့်ဖြင့် ခလရ(၅၂)ခန္တီး၊ တတက(၁၂)ပလောက် တွင် ဌာနချုပ်တပ်ခွဲမှူး အဖြစ်လည်းကောင်း တာဝန်မျာအဆင့်ဆင့် ထမ်းဆောင်ခဲ့သည်။ စစ်သည် ခွင့်မဲ့ပျက်ကွက်မှုတွင် အထိုက်အလျောက် တာဝန် ရှိမှုဖြင့် ပျက်မှုရှိခဲ့ပါသည်။ နိုင်ငံတော်မှ ချီးမြှင့်သော နိုင်ငံတော်စစ်မှုထမ်းသက်တံဆိပ်၊ ပြည်သူ့ စစ်တိုက်ပွဲဝင်တံဆိပ်၊ စစ်မှုထမ်းတံဆိပ်၊ ခြေလျင် တပ်စုမှူး သင်တန်းတံဆိပ် နှင့် ခြေလျင်တပ်ခွဲမှူးသင်တန်းတံဆိပ်တို့ ရရှိခဲ့သည်။