ပညာရေး၊ ကျန်းမာရေး၊ အမျိုးသမီးနှင့်ကလေးသူငယ်ဆိုင်ရာ ကော်မတီ၏ ၁၁. ၃. ၂၀၁၅ ရက်နေ့ အစည်းအဝေး

နေပြည်တော်၊ ၂၀၁၅ ခုနှစ်၊ မတ်လ ၁၁ ရက်၊ အမျိုးသားလွှတ်တော်၊ ပညာရေး၊ ကျန်းမာရေး၊ အမျိုးသမီးနှင့် ကလေးသူငယ်ဆိုင်ရာကော်မတီဥက္ကဋ္ဌနှင့် အဖွဲ့ဝင်များအား UNFPA၊ United Nations Country Team(UNCT) မှ ဌာနေကိုယ်စားလှယ် Ms. Janet E. Jackson နှင့်အဖွဲ့ဝင်များသည် ယနေ့ ညနေ(၃:၀၀) နာရီတွင် နေပြည်တော်ရှိ အမျိုးသားလွှတ်တော် ရေးရာဆောင်အမှတ်(၂၀) ဧည့်ခန်းမ၌ လာရောက်တွေ့ဆုံသည်။

ထိုသို့တွေ့ဆုံရာတွင် ကိုးကွယ်ရာဘာသာကူးပြောင်းခြင်းဆိုင်ရာ ကိစ္စရပ်များ၊ လူဦးရေးတိုးပွားနှုန်း ထိန်းညှိခြင်းဆိုင်ရာ၊ ကျန်းမာရေးစောင့်ရှောက်မှုကိစ္စရပ်များ၊ မြန်မာဗုဒ္ဓဘာသာဝင် အမျိုးသမီးများ လက်ထပ်ထိမ်းမြားခြင်း၊ အမွေဆက်ခံခြင်းနှင့် တစ်လင်တစ်မယားစနစ် ကျင့်သုံးခြင်းစသည့် ကိစ္စရပ်များကို ရင်းနှီးပွင့်လင်းစွာ ဆွေးနွေးခဲ့ကြပါသည်။