ပြည်ထောင်စုလွှတ်တော်၊ နိုင်ငံတကာပါလီမန်များအဖွဲ့(IPU)ဆိုင်ရာ ပူးပေါင်းကော်မတီဥက္ကဋ္ဌ၊ အမျိုးသားလွှတ်တော်၊ နိုင်ငံတကာဆံဆက်ရေး၊ လွှတ်တော်ချင်းချစ်ကြည်ရေးနှင့် ပူးပေါင်းဆောင်ရွက်ရေးကော်မတီဥက္ကဋ္ဌ ဦးဇုန်လှယ်ထန်းအား နိုင်ငံတကာပါလီမန်များအဖွဲ့(IPU) အထွေထွေ အတွင်းရေးမှူးချုပ် MR. MARTIN CHUNGONG လာရောက်တွေ့ဆုံ

ပြည်ထောင်စုလွှတ်တော်၊ နိုင်ငံတကာပါလီမန်များအဖွဲ့(IPU)ဆိုင်ရာ ပူးပေါင်းကော်မတီဥက္ကဋ္ဌ၊ အမျိုးသားလွှတ်တော်၊ နိုင်ငံတကာဆံဆက်ရေး၊ လွှတ်တော်ချင်းချစ်ကြည်ရေးနှင့် ပူးပေါင်းဆောင်ရွက်ရေးကော်မတီဥက္ကဋ္ဌ ဦးဇုန်လှယ်ထန်းအား နိုင်ငံတကာပါလီမန်များအဖွဲ့(IPU) အထွေထွေအတွင်းရေးမှူးချုပ် Mr. Martin Chungong က (၁.၁၀.၂၀၁၆)ရက်နေ့ နံနက် (၁၀၃၅)နာရီအချိန်တွင် နေပြည်တော်ရှိ အမျိုးသားလွှတ်တော် ရေးရာဆောင်အမှတ် (I-20) ဧည့်ခန်းမ၌ လာရောက်တွေဆုံပါသည်။

တွေ့ဆုံပွဲတွင် မြန်မာနိုင်ငံအနေဖြင့် နိုင်ငံတကာပါလီမန်များအဖွဲ့၊ အဖွဲ့ဝင်ဖြစ်သည့်အတွက် (IPU)နှင့် ပူးပေါင်းဆောင်ရွက်ရေးကိစ္စရပ်များ၊ မြန်မာလွှတ်တော်သို့ (IPU)မှ ကူညီထောက်ပံ့ပေးနေသည့်ကိစ္စရပ်များ၊ နောင်တွင် (IPU)ညီလာခံအား အိမ်ရှင်အဖြစ် မြန်မာနိုင်ငံမှ လက်ခံကျင်းပနိုင်မည့်အလားအလာများနှင့် ပတ်သက်၍ ရင်းနှီးပွင့်လင်းစွာ ဆွေးနွေးခဲ့ကြပါသည်။

အဆိုပါတွေ့ဆုံပွဲသို့ (IPU) ပူးပေါင်းကော်မတီဥက္ကဋ္ဌနှင့်အတူ အဖွဲ့ဝင် ဒေါ်နန်းမိုးနှင့် အမျိုးသားလွှတ်တော်ရုံးမှတာဝန်ရှိသူများ တက်ရောက်ကြပါသည်။