အမျိုးသားလွှတ်တော်၊ နိုင်ငံတကာဆက်ဆံရေး၊ လွှတ်တော်ချင်းချစ်ကြည်ရေးနှင့် ပူးပေါင်းဆောင်ရွက်ရေးကော်မတီဥက္ကဋ္ဌ ဦးဇုန်လှယ်ထန်း အား တရုတ်ပြည်သူ့သမ္မတနိုင်ငံ၊ တိဘက်ဒေသ ပြည်သူ့ကွန်ဂရက် ဒုတိယအကြီးအကဲ၊ တိဘက်ကိုယ်ပိုင်အုပ်ချုပ်ခွင့်ရဒေသအစိုးရ ဒုတိယဥက္ကဋ္ဌ MR. BIANBA ZHAXI ဦးဆောင်သော ကိုယ်စားလှယ်အဖွဲ့ကလာရောက်တွေ့ဆုံ

အမျိုးသားလွှတ်တော်၊ နိုင်ငံတကာဆက်ဆံရေး၊ လွှတ်တော်ချင်းချစ်ကြည်ရေးနှင့် ပူးပေါင်းဆောင်ရွက်ရေးကော်မတီဥက္ကဋ္ဌ ဦးဇုန်လှယ်ထန်းအား တရုတ်ပြည်သူ့သမ္မတနိုင်ငံ၊ တိဘက်ဒေသ ပြည်သူ့ကွန်ဂရက် ဒုတိယအကြီးအကဲ တိဘက်ကိုယ်ပိုင်အုပ်ချုပ်ခွင့်ရဒေသအစိုးရ ဒုတိယဥက္ကဋ္ဌ Mr. Bianba Zhaxi ဦးဆောင်သော ကိုယ်စားလှယ်အဖွဲ့က (၇.၁၁.၂၀၁၆) ရက်နေ့ (၁၄၃၀) နာရီအချိန်တွင် နေပြည်တော်ရှိ အမျိုးသားလွှတ်တော်၊ ရေးရာဆောင်အမှတ် (I-20) ဧည့်ခန်းမ၌ လာရောက်တွေ့ဆုံသည်။

ယင်းသို့တွေ့ဆုံရာတွင် တိဘက်ပြည်နယ်နှင့် မြန်မာနိုင်ငံရှိ တိုင်းဒေသကြီး/ပြည်နယ် လွှတ်တော်များအကြား အပြန်အလှန်လည်ပတ်ရေးနှင့် ပူးပေါင်းဆောင်ရွက်ရေးကိစ္စရပ်များ၊ တရုတ်-မြန်မာဆက်ဆံရေးပိုမိုမြှင့်တင်နိုင်ရေး၊ ဘက်စုံကဏ္ဍစုံတွင် ပူးပေါင်းဆောင်ရွက်နိုင်ရေး ကိစ္စရပ်များနှင့် နှစ်နိုင်ငံချစ်ကြည်ရင်းနှီးရေး ပိုမိုတိုးတက်ရေးကိစ္စရပ်များကို ရင်းနှီးပွင့်လင်းစွာ အမြင်ချင်းဖလှယ်ဆွေနွေးခဲ့ကြပါသည်။

အဆိုပါတွေ့ဆုံပွဲသို့ ကော်မတီဥက္ကဋ္ဌနှင့်အတူ အတွင်းရေးမှူး ဒေါ်ထုမေ၊ အဖွဲ့ဝင် ဒေါက်တာဝင်းမြင့်နှင့် အမျိုးသားလွှတ်တော်ရုံးမှ တာဝန်ရှိသူများတက်ရောက်ကြပါသည်။