အမျိုးသားလွှတ်တော်၊ လူဝင်မှုကြီးကြပ်ရေးနှင့် ပြည်တွင်းပြည်ပအလုပ်သမားဆိုင်ရာကော်မတီ အတွင်းရေးမှူး ဦးဥက္ကာမင်းနှင့် အဖွဲ့ဝင်များအား ကနေဒါနိုင်ငံ Ontario ပြည်နယ် အမတ်ဟောင်း Ms. Monique Marthe Smith ဦးဆောင်သောအဖွဲ့က လာရောက်တွေ့ဆုံ

အမျိုးသားလွှတ်တော်၊ လူဝင်မှုကြီးကြပ်ရေးနှင့် ပြည်တွင်းပြည်ပအလုပ်သမားဆိုင်ရာကော်မတီ အတွင်းရေးမှူး ဦးဥက္ကာမင်းနှင့် အဖွဲ့ဝင်များအား ကနေဒါနိုင်ငံ Ontario ပြည်နယ် အမတ်ဟောင်း Ms. Monique Marthe Smith ဦးဆောင်သောအဖွဲ့က (၇.၂.၂၀၂၀) ရက်နေ့၊ (၁၁:၃၀) နာရီအချိန်တွင် နေပြည်တော်ရှိ အမျိုးသားလွှတ်တော်၊ ရေးရာဆောင်အမှတ် (I-15) အစည်းအဝေးခန်းမတွင် လာရောက်တွေ့ဆုံသည်။

ကော်မတီများအား ပညာရပ်ဆိုင်ရာ အကူအညီနှင့် သက်ဆိုင်ရာ အကြောင်းအရာအလိုက် အကြံဉာဏ်ပေးခြင်း အထောက်အကူပြုလုပ်ငန်းများ ဆောင်ရွက်ရန်နှင့်စပ်လျဉ်း၍ ရှင်းလင်း ဆွေးနွေးခဲ့ကြပါသည်။

အဆိုပါ တွေ့ဆုံဆွေးနွေးပွဲသို့ လူဝင်မှုကြီးကြပ်ရေးနှင့် ပြည်တွင်းပြည်ပအလုပ်သမားဆိုင်ရာ ကော်မတီ အတွင်းရေးမှူး ဦးဥက္ကာမင်းနှင့် ကော်မတီအဖွဲ့ဝင်များအပြင် အမျိုးသားလွှတ်တော်ရုံးမှ တာဝန်ရှိသူများ တက်ရောက်ကြပါသည်။