အမျိုးသားလွှတ်တော်၊ နိုင်ငံတကာဆက်ဆံရေး၊ လွှတ်တော်ချင်း ချစ်ကြည်ရေးနှင့် ပူးပေါင်းဆောင်ရွက်ရေး ကော်မတီဥက္ကဋ္ဌ ဦးဇုန်လှယ်ထန်း ကနေဒါနိုင်ငံ၊ နိုင်ငံခြားရေးဝန်ကြီး THE HONOURABLE STEPHANE DION အား လက်ခံတွေ့ဆုံ
အမျိုးသားလွှတ်တော်၊ နိုင်ငံတကာဆက်ဆံရေး၊ လွှတ်တော်ချင်း ချစ်ကြည်ရေးနှင့် ပူးပေါင်းဆောင်ရွက်ရေး ကော်မတီဥက္ကဋ္ဌ ဦးဇုန်လှယ်ထန်း ကနေဒါနိုင်ငံ၊ နိုင်ငံခြားရေးဝန်ကြီး THE HONOURABLE STEPHANE DION အား လက်ခံတွေ့ဆုံ
အမျိုးသားလွှတ်တော်၊ နိုင်ငံတကာဆက်ဆံရေး၊ လွှတ်တော်ချင်း ချစ်ကြည်ရေးနှင့် ပူးပေါင်းဆောင်ရွက်ရေး ကော်မတီဥက္ကဋ္ဌ ဦးဇုန်လှယ်ထန်းသည် ကနေဒါနိုင်ငံ၊ နိုင်ငံခြားရေးဝန်ကြီး The Honourable Stephane Dion အား (၇.၄.၂၀၁၆) ရက်နေ့ မွန်းလွဲ (၁၅ ၀၀) နာရီအချိန်တွင် နေပြည်တော်ရှိ အမျိုးသားလွှတ်တော်၊ ကော်မတီဆောင်အမှတ် (I-20) ဧည့်ခန်းမ၌ လက်ခံတွေ့ဆုံသည်။
ထိုသို့တွေ့ဆုံရာတွင် ပြည်ထောင်စုသမ္မတမြန်မာနိုင်ငံတော်အား ဖက်ဒရယ်စနစ်တည်ဆောက်ရာ၌ ကနေဒါနိုင်ငံမှ ကူညီပံ့ပိုးနိုင်မည့်နည်းလမ်းများ၊ ကနေဒါနိုင်ငံအနေဖြင့် မြန်မာနိုင်ငံတွင် ရင်းနှီးမြှုပ်နှံမှုများ ပိုမိုဆောင်ရွက်နိုင်ရေးကိစ္စရပ်များနှင့် နှစ်နိုင်ငံပြည်သူချင်း ပိုမိုရင်းနှီးချစ်ကြည်ရေးနှင့် ပူးပေါင်း ဆောင်ရွက်ရေးကိစ္စရပ်များကို ရင်းနှီးပွင့်လင်းစွာ ဆွေးနွေးခဲ့ကြပါသည်။
အဆိုပါတွေ့ဆုံပွဲသို့ ကော်မတီဥက္ကဋ္ဌနှင့်အတူ ကော်မတီဝင်များဖြစ်ကြသော ဦးရဲမြင့်စိုး၊ ဦးဇော်ဟိန်း၊ ဦးနိုင်ကိုကို၊ ဒေါ်နန်းမိုးမိုးထွေးနှင့် လွှတ်တော်ရုံးမှ တာဝန်ရှိသူများ တက်ရောက်ကြပါသည်။