အမျိုးသားလွှတ်တော်၊ နိုင်ငံတကာဆက်ဆံရေး၊ လွှတ်တော်ချင်းချစ်ကြည်ရေးနှင့် ပူးပေါင်းဆောင်ရွက်ရေးကော်မတီဥက္ကဋ္ဌ ဒေါက်တာသန်းဝင်းအား INTERNATIONAL IDEA (INSTITUTE FOR DEMOCRACY AND ELECTORAL ASSISTANCE) မြန်မာဌာနေကိုယ်စားလှယ် MR. MARK MCDOWELL ဦးဆောင်သောအဖွဲ့က လာရောက်တွေ့ဆုံ

အမျိုးသားလွှတ်တော်၊ နိုင်ငံတကာဆက်ဆံရေး၊ လွှတ်တော်ချင်းချစ်ကြည်ရေးနှင့် ပူးပေါင်းဆောင်ရွက်ရေးကော်မတီဥက္ကဋ္ဌ ဒေါက်တာသန်းဝင်းနှင့်ကော်မတီဝင်များအား International IDEA မှ Head of Country Office  မြန်မာဌာနေကိုယ်စားလှယ် Mr. Mark McDowell နှင့် International IDEA ၏ အစီအစဉ်မန်နေဂျာ Ms. Annamari Salonen တို့က (၈-၃-၂၀၁၇) ရက်နေ့ (၁၃၃၀) နာရီတွင် နေပြည်တော်ရှိ အမျိုးသားလွှတ်တော်၊ ရေးရာဆောင်အမှတ် (I-20) ဧည့်ခန်းမ၌ လာရောက်တွေ့ဆုံသည်။

ယင်းသို့တွေ့ဆုံရာတွင် ပြည်ထောင်စုလွှတ်တော်တွင် အခြေခံဥပဒေဆိုင်ရာကိစ္စရပ်များကို ဟောပြောဆွေးနွေးခြင်း၊ အလုပ်ရုံဆွေးနွေးပွဲများ ကျင်းပခြင်းများ ပြုလုပ်ရန် နှင့်ပတ်သက်၍ လွှတ်တော်က အုပ်ချုပ်ရေးမဏ္ဍိုင်ကို ထိန်းညှိခြင်းကိစ္စဟောပြော ဆွေးနွေးပွဲများ မေလအတွင်း ဆောင်ရွက်စီစဉ်လိုကြောင်းနှင့် လယ်ယာမြေနှင့် သယံဇာတဆိုင်ရာကိစ္စရပ်များနှင့် ပတ်သက်သော ဆွေးနွေးပွဲများကိုလည်း ကျင်းပရန် ဆွေးနွေးခဲ့ကြပါသည်။

အဆိုပါတွေ့ဆုံပွဲသို့ ကော်မတီဥက္ကဋ္ဌနှင့်အတူ အဖွဲ့ဝင်များဖြစ်ကြသော ဦးမောင်မောင်လတ် ၊ ဗိုလ်မှူးဇဝန တို့တက်ရောက်ကြပါသည်။